Pas encore de mots-clés.
Moi: tetmesakhri bina ? wachno had lhala li raki fiha mala ? 3lech ma jitich lyoum sbah ?
Wafaa: c bon ma nzidch nji ne9ra ...
Moi: prk wach sra ? ahadri
jate mamat Wafaa 9a3dat m3ana ma habatch tnoud bach tkhalina nahadro alaise, apres ki chafatna makhlo3in w ma fahmin walo katelna :
Elle: allah ghaleb bnati machi ana, babaha w khouha li habou
Rimaa: wach habou tata ? fahmouna wach kayan
Wafaa: habou yzawjouni , khlas ha ydirouli kkima daro lkhti lekbira
Moi: :o prk besah ? mazalek sghira 3lach yahermok me9raytak ?
j'avais pleins de questions en tete, ma kdartch nefham kifech les parents ta3 tafla yakadro ydarrou benthoum kamal hakdka, Wafaa tetzawaj ? c t INCROYABLE pour moi !!
Hia sah chaba w 9afza , takhdem chghol dare khir menni ana et Rimaa, tayeb , elle fait tout , t3almet koullech , mais hadi machi sebba li tkheli waldiha ydiroulha hakda, yzawjouha w yhabsouha m le9raya tani c grave !!
kima khamemt kifach n3awenha ana w Rimaa ma 3refnach , hadi haja fo9 ta9etna hna zouj, ma nakedrouch naghelbou c parrents surtt ki zadet yemaha 9atelna:
Elle: sem3ou ya bnati, ida habitou Wafaa teb9a sahbatkom w tkamlo tchoufouha ma diroulhach machakil
Moi: kifech ndiroulha machakil, ran ahabin n3awnouha hnaya
Elle: ma takedrouch , ida kane ana yemmaha ma kdartch , ntouma wach rah dirou ? l3aks rah diroulha machakil m3a khouha w babaha , w houma ma rahch ysaktolkom w ma yzidouch ykhalokom jo l3andha wella ykhalouha hiya tahdar m3akom
Wafaa: 3andha l7a9 mama, 3a9liyet papa w khouya wahad ma yakdar ybadalha , lebnat k3adtouli ghir ntouma ma tkhalounich netta7rem menkoum, khlas hada maktoubi wach ndir ?
khrejna men 3andha ana w Rima mchokyin , w ana melkhel3a tal3atli l7emma hadak nhare, bayta mrida , c t le 2éme choc de ma vie aprés le divorce de mes parents !
bdit nefham haja wahdokhra tani :
" la vie n'est pas facile, 9ed ma nkebrou hmoumna yzidou ykebrou m3ana , nzido nchofo machakil li ki kounna sghare jamais hasina bihoum "
on a pas couper contact avec Wafaa , kouna mindak koul ma nokherjou m lycée nroho liha ledare, nethadrou binatna par fixe, hkatli 3la nhare li jaw khatbouha prck ma kdartch nroh darouha ghir binathoum , katli beli li ja khtabha hadak lwakt kan 3endou 28 ans yban 3a9el et tout , son pére et son frére chartou 3lih ma yahdarch m3aha hetta nhar l3ers ki twelli 7lalou , donc mata3erfouch , w mazadatch chaftou mor lkhotba dyalhoum prck elle n'a pas le droit ! sara7a ma tmennitch nkoun f plasetha ki 7katli , c pas facile ...
Ma relation avec Tarek wellat mliha, chaque jour nwalfou ba3dana kter, meli rah w 3reftou mlih ka3da nestenna waktach ywelli pour le voir , w h24 ndale nahki l Rimaa 3lih sra3tha meskina lol et la pauvre ma tkoli walou tkhelini 3la rahti w tesma3li daymen ... c bon wellat bayna , je l'aime a mourir et malgrés la distance b9itlou fidéle et lui aussi .
jazet une période dkhelna f le9raya ma rfednach rasna hetta l7e9 3lina le mois de Mars, je voulais a tout prix nkemmel hadak l3ame w nethanna , et jai décider nroh njewaz vacance ta3 sife machi kima l3am li fate on a tout rater 3lajal mama w papa . b9ali berk nconfirmé m3a Tarek waktach yji bach nchofo w manrohch hetta yji houwa ...
mais 3ers wafaa khrejelna fel west, ki kemmelna nos etudes w khrejna vacance te3 essif , 3aytetlna wafaa bach ta3redna a son mariage !
Derna lwajeb w rehna liha bien avant, mais hadouk lyamate kanou wa3rin 3lina bin tlata, bkina 3liha endirai rah tmoute, wa3ra ki tefla tetzawej b wahed bessif 3liha, 9asmetelna 9loubna mais malheureusement ma nakedrou ndiroulha walou, seyina kifech ndiroulha courage 9ed ma na9edrou mais son histoire 9a3det marqué dans ma tete lelyoume ...
ghir bdew les vacances te3 essif, je e suis attaché a Tarek ktare, welit nhab nahder m3ah tout le temps w kont nestenna waktach yji bach nakder nchoufo , hetta lwahed nhareftant sbah 3la mon téléphone ysoni et c'etait Tarek , kolt surement bech yconfirmili la date wektach yji :
Tarek: habit nkolak haja Zina, mais ma sabtch kifech njibhalek
Moi: non normale koli wach kayan ?
Tarek: ma nwelich
Moi: l dzayer ? prk ?
Tarek: c bon j v m'installer hna, lkite khedma ma na9derch nkhaliha w nji
Moi: donc ma nchoufakch had l3ame ?
Tarek : oui meme l3am ljay j c pas c pas ssur
Moi: a ce point ? ma jich meme pas 3lajali ?
Tarek: chofi Zinaa , takhdi rayi ansayni complétement , nahini men balek
Moi: wachnou had lhadra Tarek ? Hakda tfahemna lyamate lewline ?
Tarek: non mazalni 3and kelmti , kech ma tes7a9i rani hna, ...
ma khelitouch ykemmel 9ata3tou temtem w kotlou :
Moi: c bon arrete ta comédie, ma nes7a9 walou men 3andek, nta kedab ghwatek l'etranger, jamais dert fi b
ali tetakhle3 mel 3am lewal , mais c de ma faute li dert fik confiance
Tarek: asabri nfahmek , marakich fahma 9asdi
Moi: non fhamtek , cbon ma nas7a9ch tzid tahder m3aia, melyoum ansa wahda wasemha Zina .
men hadak nhare , hadek l MSN ma zedtch ftahtou et au bout de quelques mois nsite le mot de passe ki l3ada :)
cheddit rohi ma hdartch m3ah, il m'a appeler plusieurs fois , khelitou hakdak , dert courage b Rimaa ki hkitelha 9aletli khelih ma yestahlekch , donc hakda b9it marra wahdokhra wahdi , lwakt li konnt njawez fih m3ah khlas doka wellali vide kbir , mais en réaliter kan fiha khir, apres tefehmou prk !
j'ai décider bach nehi hadik l7er9a w nroh vacance, mama khelatelna le choix ya nriyho m3aha ya nroho m3a Papa, mais hadak l3ame papa resérvelna f un grd hotel a télémcene donc 7erna m3amen nroho , mais mama ki chafet beli l3ard te3 papa khir ma habetch ta7remna w sam7telna njewzou les vacc ta3na ltema ...
1mois de vacance srawli fihoum bezaff hwayej et en fin 3reft prk papa et mama tel9ou ....
# A S U I V R E